Info om A-kullet

 Agera, Alex, Axeros og A-Kompiz  -alle-  HD: A     AA: A

A-kullet var linjeavla 3-3 (innavlsgrad 3,1%) på Dixi Vom Hause Santiages etter Fado von Karthago.  Linjeavl er det mykje av ischäferhundavl.  Eva var drektig då eg kjøpte ho, og eg var ivrig etter å få oppleve kvalping.  Eg vel å vere open om erfaring om dette kullet.  Eg kjenner til oppdrettarar som nektar for/held skjult alle negative resultat, sjukdomar og defektar på hundar, -og særleg i utstillingslinjer, som avlar på hundar med sjukdomsgen.   Det negative med dette kullet var vel eigentleg samansetning av drifter.  Dei låg høgt i energi og agressjon, og frå lågt til høgt i sjølvtillit.  Det gjere at nokre hundar er gode med rette eigar (som har ein krevjande jobb med å få fram godt resultat), medan andre vert for heftige for vårt vanlege liv.  Dei passar rett og slett ikkje inn blant folk.

Ein MH test gjev eit innblikk i kva som bur i hunden.  Dette er hjelp i avlsarbeid, sidan ein kan sjå eigenskapar ein likar eller ikkje likar, og som ein tek omsyn til i vidare avl.  Dessverre er det altfor få som tek mentaltest eller funksjonsanalyse, og mange som ikkje legg ut informasjonen.  At ein mentaltest/funksjonsanalyse er godkjent, fortel lite.  Kvar hund har sine eigenskapar, og det er kombinasjonen av desse som er interessanne. Det er mykje "skitprat" av enkelte, om andre sine hundar.  Om oppdrettarar/hundeførarar er ærlege, vil vi som leitar etter sakleg info om hundane, få eit riktigare bilete.    

Bilete frå testen - sjå heilt nede på sida.

Kommentarar til testen:

Avreagerer:  Agera og Eros - ja Kompiz og Alex - nei

Alex:  Uakseptabel handling på 8e, beskriver avbryter. 

Kompiz: Føres frem i bånd på spøkelsene.

Eros:  "Ene spøkelset snublet på 5 meters avstand - 8d og 8c er ikke korrekt beskrevet.

Sotra brukshundklubb arrangerte Mentaltest for unghundar for første gong.  Sidan Monica var med i styret, måtte vi jo støtte ved å vere med der.  4 Citagardenhundar vart meldt på.  

Mine tankar om testen:

Dei 4 hundane har hatt svært ulike liv.  NRH-hunden som er dyktig i rundering, kom med filla til førar under test 5, og eg følte frustrasjonen hennar då ho melde og melde, utan at førar følgde ut på påvising.  Hundane som aldri har trena rundering eller leik på avstand, har ikkje fokus på figurant i skogen på same måte. Eg ser difor på testen som rettleiande, men ikkje 100%.  MH testar korleis hundane er, som no er 15mnd gamle, noko er arv og noko påført frå miljø/oppvekst. 

Det var veldig interessant å sjå dei 4 ulike hundane i samme miljø.  2 av hundane jakta ikkje etter filla.  Eine hadde full fokus på nokre pinnar som vart kasta vekk, den andre brydde seg ikkje då filla stoppa, og returnerte i til førar.  Etterpå var ho ikkje interessert.  Det var uventa for oss, vi hadde rekna med ho ville ta den.

Eine hunden følte nok dei flagrande spøkelsane som veldig truande.  Det var kraftig vind, og lakena blafra hardt i vinden og Alex viste noko av skarpheita si ved å nafse i lakenet og var borti figuranten sine hender.  Dommarane avbraut testen sidan dette er ei uakseptabel handling, og han fekk ikkje gjennomført MH.  Vi fekk ikkje sjekka vidare om leiken var forandra eller skudd, men opplever han som skuddfast.

Dette er ein unghundtest. Neste blir funksjonsanalyse.  For meg er dette verdfull informasjon.