Naustvoll Gard

Naustvoll Gard "Livdi" og Kennel Citagarden sine heimesider.

Garden har hatt fleire namn gjennom tidene, naturleg utifrå historien. Nausta vollum på 1800-talet (fordi det var mange naust nede ved fjorden), Livdi (fordi det var den tryggaste hamna innover i Sognefjorden - livd i denne samanheng tyder ly og vern for vèr og vind).

Face Book LINK Garden ligg ved vakre Sognefjorden. KART KART Naustvoll

Garden er merkegodkjent "Inn på Tunet", har sauedrift og driv med avl på Dølahest, Fjordhest og Schäfer.

Ønskjer du meiningsfulle og tilpassa dagar, som gjev meistring, læring og oppleving?

Vi har trygge omgjevnader, samt kunnskap, utdanning og erfaring i samhandling mellom dyr og menneske.

Vi har skuledagar med læringsmål i norsk, natur og miljø, matematikk og samfunnsfag knytta opp mot praktisk arbeid, arbeidstilbod utan prestasjonskrav, fritidstilbod og avlastning.

Visjonen vår: Naustvoll Gard skal vere den dyrerike bondegarden der det er godt å vere.

Forretningsideen er å nytte garden sine ressursar og kompetansen til Arne og Anne-Brit, til å selje spesialopphald til grupper av menneske som treng noko anna enn vanleg skule eller arbeidsliv.

Vår styrke er gode dyr i trygge omgjevnader, samt kunnskap og erfaring i samhandling mellom dyr og menneske.

Anne-Brit arbeider òg som lærar, og er utdanna adjunkt med tillegg. Utdjupa fag på høgskule er matematikk, data, media og kulturlandskapsskjøtsel. Både Arne og Anne-Brit har høgskuleutdanning innan "Garden som pedagogisk ressurs og læringsarena". Garden er merkegodkjent innan kvalitetssystemet Inn på Tunet, Kvalitetssystemet i Landbruket. LINK

Det som vi har drive med her på garden, har staten tidlegare kalla "Grøn omsorg". No heiter bransjen "Inn på tunet".

Eg ønskjer at fleire skal opne augene for det flotte kulturlandskapet vi har i Noreg, verdsetje det og forstå kor viktig det er å ta vare på det. Utan beitedyr og bønder som steller landskapet, gror det til med skog etter 5-10 år. Det er få område som blir rydda på nytt etter gjengroing. Vi var på NRK i høve dette INNSLAG PÅ NRK

Sidan eg er veldig interessert i hund og hest, er det eigne sider og mange galleri knytt til det.

Det er laga link til oppdateringar - sjå Nytt på sidene. Før markør over og klikk, så kjem du rett til starten på oppdateringane.

Vakre dyr!!!

A long time ago:

Dette er schäferen Hero, tervueren Teo og dalalammet Pirreline. Mange hugsar nok desse tre :-)
Dei var mykje saman. Pirreline trudde nok at ho var hund.

Desse 2 bileta er frå sommar -92.